Kviteseid i framtida

Kviteseid i framtida er vald ut som eit av prosjekta i Framtidas bygder. Framtidas bygder arbeider med kunnskapsutvikling og formidling av informasjon om korleis mindre stader kan utviklast på ein berekraftig og klimavenleg måte, samstundes som det vert meir attraktivt å bu der.

I perioden 18.-27. juni 2014 vart det gjennomført ein workshop med unge arkitektar og kunstnarar, for å synleggjera oppstarten av prosjektet og for å få folk i Kviteseid i tale.

Ein installasjon i Bryggeparken prøva ut i 1:1 korleis ein scenefunksjon kan innpassast (bilde 1).

Ein serie på 10 kunstinstallasjonar med utgangspunkt i observasjonar, samtaler og forteljingar frå Kviteseid vart laga i gata (bilde 2).

Ei utstilling i Pakkhuset med idear og forslag til korleis Kviteseidbyen kan utviklast i tida som kjem, inviterte bygdefolk og besøkande til å ta del i debatten #KvaNo.

Tiltaka som vart gjort og innspela som kom, skal prøvast ut og samanfattast i den vidare plan­prosessen.