«Into the Landscape» - internasjonal workshop ved Seljordsvatnet

32 studentar frå NABA, Politecnico di Milano og 6 studentar frå Scenekunstakademiet i Fredrikstad deltok. Dette var ein prosess der plassering, utforming og bygging var ein del av oppleving og læring.

Oppgåva var å bygge tre arkitektoniske installasjonar på utvalde punkt ved Seljordsvatnet. Installasjonane skal ha tre hovudfunksjonar: stoppestadar for turistar og vegfarande, sosiale møtestader og turmål for bygdefolk, og utkikkspunkt for dei som ser etter sjøormen! Grindekleiv utkikkspunkt (foto 1 og 3) - seks sitteboksar dannar ein ring. Ute på berget ser ein heile Seljordsvatnet. Vebekkdalen røyksauna (foto 2 og 6) ligg innimellom furutrea i ei lita bukt. Her kan ein oppleve landskapet og ta røyksauna med utsikt over vatnet. Telnesøyan fiskeplass (foto 4 og 5) ligg omgitt av vatn på tre kantar. Ein liten sitteplass er laga i ly for regnet og du kan grille fisken din på eldstaden.