Sogevegen om Nutheim

Då tunellen på E134 gjennom Mælefjell vart bestemt, vart det også sett av pengar i potten til å arbeide med ein opplevingsveg tilrettelagt spesielt for sykkelturistar.

Men dette er samtidig eit prosjekt for utvikling og samhandling i bygdene Hjartdal, Svartdal og Flatdal. Her er kulturlandskapet med vakre blomsterenger og sogene knytt til landskapet viktige opplevingskvalitetar.  

MEDVERKNAD OG LOKALSAMFUNN
Ein har tatt på alvor innspel frå lokalsamfunna og bygdelaga og satsa på tiltak spela inn for å synleggjera kvalitetar og opplevingar. Tilrettelegging der ein inviterar folk til å stoppe opp, som tek i bruk og transformerar gamle bygg og hentar fram sogene og synleggjer kulturlandskapet. Prosjektet er eit stor samarbeids- og medverknadsprosjekt der ein har utvikla sykkelruter, sykkelstopp, kunst og formidlingsmateriale. Prosjektet er forma utifrå innsatsen til folka som bur her og det vi får til når kommunar, vegvesen, fylkeskommune, lag og foreningar, næringsdrivande og eldsjeler går saman og greier å dra i samme retning. Det er lagt ned stor dugnadsinnsats i arbeidsgruppene som har arbeidd i prosjektet.

KUNST OG LANDSKAP
Området står i ei nasjonal kunsthistorisk line som prosjektet har ynskt å vidareføre og utforske. Samspelet mellom kunst og stadutvikling er også sentralt. Prosjektet har invitert samtidskunstnarar til å la både landskapet og den immaterielle kulturarven, som forteljingane er del av, materialisere seg i kunst i uterom, i installasjonar og skulpturelle uttrykk.  

STOPPESTADAR OG ARKITEKTUR
Det bygde er ein kombinasjon mellom gjenbruk av gamle bygningar i kulturlandskapet og ny arkitektur og kunst lagt til for å synleggjera og formidle landskapskvalitetar. Vi har arbeidd med forteljingane om lokalsamfunna og folka. Tradisjonar knytt til stad og landskap vert spegla gjennom møteplassane som er tilrettelagt i dei ulike bygdelaga.

----
When it was decided to build the Mælefjell Tunnel money was set aside to establish the Land Lore Lane project, a tourist route aimed especially at cyclists. The Land Lore Lane project also seeks to enhance development and cooperation in the Hjartdal, Svartdal and Flatdal communities. The cultural landscape is here closely connected with local folklore and beautiful meadows, allowing for a unique experience for tourists. Land Lore Lane is a large-scale cooperative project containing cycle routes, stopping points, art, architecture and information material. The local area is designated as one of the most valuable cultural landscapes in Norway, a status the project aims to explore and further develop. The interaction between art, architecture and area development has therefore been key. The built elements are a combination of repurposed old structures in the cultural landscape and the addition of new art and architecture to highlight and impart the qualities of the surrounding landscape.