Vassarrangement Tønsberg torg

Torget i Tønsberg har fått ein ny og stemningsskapande attraksjon. I forlenginga av den store trappa som avsluttar torget mot Øvre Langgate, er det laga eit trappeløp med rennande vatn.

Hovudforma på vassarrangementet tek opp linjene frå den store sitjetrappa ved sidan av. Det har vore viktig å skape liv i vatnet, og trappa har fleire små vassfall over granittkantar med bølgjande mønster. Vasstrappa er bygd i betong med detaljar og sitjekantar i mørk granitt. Utfordrande grunntilhøve og små marginar for setningar gjorde at fundamentet måtte pælast. Rundt bassenget er det låge sitjekantar slik at små og store hender og føter kan plaske i vatnet. Arkitektgruppen Cubus har prosjektert Tønsberg Torg.